Ijtimoiy tarmoqda tarqalgan, Yashnobod tumanida yuk avtomobili bilan bogʻliq sodir boʻlgan koʻngilsiz hodisa yuzasidan maʼlumot
Bugun, 2022-yil 8-aprel kuni soat 16:30 larda, Toshkent shahar, Yashnobod tumani, Maxtumquli koʻchasida, haydovchi, 1955-yilda tugʻilgan Y.S. “MAZ-54323” rusumli yuk avtomobiliga ulangan yarim tirkamaga “konteyner” ortib harakatlanib ketayotgan vaqtda, ortilgan “konteyner”ning tepa qismi ushbu koʻchadan kesib oʻtgan koʻprikka tegib qolgan va “konteynerning” bir tomoni yarim tirkama ustidan yerga tushgan.
Hodisa natijasida tan jarohati olgan fuqarolar yoʻq.
Holat yuzasidan Toshkent shahar IIBB YHXB va yoʻlga masʼul idora xodimlari tomonidan tegishli hujjatlar rasmiylashtirilgan.
Barcha haydovchilardan yuk ortish va tashishda qoidalarga rioya qilishni soʻraymiz.