2022-yil 5-aprel kuni soat 15:05 larda, Nukus shahri hududidan oʻtuvchi 4P-176 avtomobil yoʻlining 2-3 kilometrlari oraligʻida haydovchi, 1996-yilda tugʻilgan M.T. “Damas” rusumli avtomobilda harakatlanayotib, tartibga solinmagan piyodalar oʻtish joyidan velosiped boshqarib oʻtayotgan fuqaro, 1976-yilda tugʻilgan J.A.ni urib yuborgan.

YTH natijasida fuqaro J.A. koʻrsatilgan tibbiy yordamlarga qaramasdan shifoxonada vafot etgan.

Ushbu YTH yuzasidan Nukus shahar IIO FMB TB tomonidan dastlabki tergov harakatlari olib borilmoqda.

Barcha yoʻl harakati qatnashchilaridan qoidalarga rioya qilishlarini soʻraymiz.