Bugun, 2022-yil 18-aprel kuni soat 06:15 larda Toshkent viloyati, Yangiyoʻl tumani hududidan oʻtuvchi M-39 avtomobil yoʻlining 829-kilometrida haydovchi, 1980-yilda tugʻilgan U.I. “Lada-Largus” rusumli avtomobilida harakatlanayotib, uxlab qolishi natijasida yoʻlning oʻng chetida toʻxtab turgan haydovchi, 1976-yilda tugʻilgan U.U. boshqaruvidagi “Isuzu” rusumli yuk avtomobilning orqa tomoniga toʻqnashgan.

Hodisa natijasida “Lada-Largus” avtomobili yoʻlovchilari, 1983-yilda tugʻilgan M.O. va 2010-yilda tugʻilgan O.J.lar olgan ogʻir tan jarohatlari tufayli voqea joyida vafot etgan. Shuningdek, yana bir yoʻlovchi shifoxonaga yotqizilgan.

Mazkur YTH yuzasidan Yangiyoʻl tumani IIB huzuridagi TB tomonidan dastlabki tergov harakatlari olib borilmoqda.

Barcha haydovchilardan charchoq holatida transport vositasini boshqarmasliklarini, qoidalarga rioya qilishlarini soʻraymiz.