2022-yil 27-iyun kuni soat 08:30 larda Namangan viloyati, Pop tumani hududidan o‘tuvchi A-373 avtomobil yo‘lining 234-kilometrida haydovchi, 2002-yilda tug‘ilgan N.Yo. "Nexia-3" rusumli avtomobilni boshqarib ketayotib, harakat xavfsizligini ta’minlay olmay yo‘l chetida to‘xtab turgan haydovchi, 1995-yilda tug‘ilgan M.Q. boshqaruvidagi "Isuzu" rusumli yuk avtomobilining orqa tomoniga to‘qnashgan.

Hodisa natijasida, "Nexia" avtomobilining haydovchisi va yo‘lovchisi tan jarohati bilan shifoxonaga yotqizilgan.

Mazkur YTH yuzasidan Pop tumani IIB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan belgilangan qoidalarga amal qilishlarini so‘raymiz.