Bugun, 2022-yil 7-noyabr kuni soat 09:45 larda Qashqadaryo viloyati, 4K-307 “Shahrisabz-Miraki” avtomobil yoʻlining 1-kilometrida, Shahrisabz tumani yoʻnalishidan harakatlanib kelayotgan “Isuzu” rusumli avtobus haydovchisi N.A. rul boshqaruvini yoʻqotishi oqibatida transport vositasi agʻdarilgan.

Hodisa natijasida tan jarohati olganlar yoʻq.

Mazkur holat yuzasida Shahrisabz shahar IIB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan yoʻllarda ehtiyotkor boʻlib, qoidalarga rioya qilishlarini soʻraymiz.