Dastlabki maʼlumotlarga koʻra, bugun, 2022-yil 15-noyabr kuni soat 19:00 larda Buxoro viloyati, Kogon shahri hududidan oʻtuvchi A-380 “Gʻuzor-Buxoro-Nukus-Beyneu” avtomobil yoʻlining 209-kilometrida 3 ta “Cobalt”, “Kia-K5” va “Nexia-3” rusumli avtomobillar ishtirokida toʻqnashuv sodir boʻlgan.

Hodisa natijasida tan jarohati olgan fuqarolar yoʻq.

Mazkur YTH yuzasidan Kogon shahar IIB JXX YHXG xodimlari tomonidan surishtiruv harakatlari olib borilmoqda.

Barcha haydovchilardan belgilangan qoidalarga rioya qilishlarini soʻraymiz.