2022-yil 15-mart kuni soat 13:30 larda Toshkent viloyati, Ohanganron tumani, Aqcha MFY hududidan oʻtuvchi “A-373-M-39-Guliston-Boʻka-Angren-Qoʻqon-Andijon-Oʻsh” avtomobil yoʻlida haydovchi, 1990-yilda tugʻilgan B.I. “Trailor CYY 2SX” rusumli tirkama ulangan “Man” rusumli yuk avtomobilida harakatlanayotib ketayotgan vaqtda, ulangan tirkama qarama-qarshi yoʻnalishni ajratib turuvchi toʻsiqqa urilgan va “Man” avtomobilidan ajralgan holda qatnov qismiga agʻdarilgan.

Hodisa natijasida tan jarohati olgan fuqarolar yoʻq.

Mazkur YTH yuzasidan Ohangaron tumani IIB YHXB xodimlari tomonidan surishtiruv harakatlari olib borilmoqda.

Barcha haydovchilardan ob-havo sharoitini inobatga olgan holda, ehtiyotkorlik bilan harakatlanishlarini soʻraymiz.