Joriy yilning 1-noyabr kuni soat 18:00 larda Qoraqalpog‘iston Respublikasi, Amudaryo tumani hududidan o‘tuvchi 4-R181 “Kipchoq-Mang‘it-Turkmaniston” avtomobil yo‘lining 12-13 kilometrlari oralig‘ida haydovchi, 1968-yilda tug‘ilgan U.Y. "Lifan" rusumli yuk tashuvchi motosiklda harakatlanayotib, keskin ortga burulishi natijasida orqasidan harakatlanib kelayotgan haydovchi, 1956-yilda tug‘ilgan K.B. boshqaruvidagi "Nexia" bilan to‘qnashgan va buning oqibatida "Nexia" qarama-qarshi yo‘nalishga chiqib ketib, haydovchi, 1963-yilda tug‘ilgan F.M. boshqaruvidagi "Isuzu" rusumli yuk avtomobili bilan to‘qnashgan.

To‘qnashuvlar natijasida, "Nexia" rusumli avtomobil yo‘lovchisi 1960-yilda tug‘ilgan A.R. og‘ir tan jarohatlari olib voqea joyida va uning 2017-yilda tug‘ilgan nabirasi B.R. shifoxonada vafot etgan. Ushbu avtomobil haydovchisi K.B. va yana ikki nafar yo‘lovchi og‘ir tan jarohatlari bilan shifoxonaga yotqizilgan.

Mazkur YTH yuzasidan Amudaryo tumani IIB TB tomonidan tergovga qadar surishtiruv ishlari olib borilmoqda.

Barcha haydovchilardan belgilangan qoidalarga amal qilishlarini so‘raymiz.