Bugun, 2022-yil 19-aprel kuni soat 09:00 larda Andijon viloyati, Andijon tumani, Qoʻshariq MFY hududidan oʻtuvchi 4P-116 avtomobil yoʻlining 4-kilometrida haydovchilar:

1) 2002-yilda tugʻilgan S.S. boshqaruvidagi “Lacetti” rusumli;

2) 1993-yilda tugʻilgan M.A. boshqaruvidagi yana bir “Lacetti” rusumli;

3) 1999-yilda tugʻilgan Sh.E. boshqaruvidagi “Damas” rusumli;

4) 1987-yilda tugʻilgan Z.T. boshqaruvidagi “Tico” rusumli;

5) 1986-yilda tugʻilgan F.Sh. boshqaruvidagi “Nexia” rusumli avtomobillar ishtirokida toʻqnashuv sodir boʻlgan.

Natijada, “Damas” avtomobili haydovchisi tan jarohati olib shifoxonaga yotqizilgan.

Mazkur YTH yuzasidan Andijon tumani IIB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan belgilangan qoidalarga amal qilishlarini soʻraymiz.