2022-yil 22-may kuni soat 12:40 larda, Toshkent viloyati, Bekobod shahar, Madaniyat MFY hududidan o‘tgan 4P-26 "Sirdaryo-Dehqonobod-Bekobod" avtomobil yo‘lining 99-kilometrida haydovchi, 1985-yilda tug‘ilgan J.G. boshqaruvidagi "Vaz-2104" rusumli avtomobilda o‘zidan oldinda bo‘lgan transportni quvib o‘tish maqsadida qarama-qarshi harakatlanish uchun mo‘ljallangan tomonga chiqqan vaqtida, ro‘parasidan kelayotgan haydovchi, 1986-yilda tug‘ilgan O.I. boshqaruvida bo‘lgan "Cobalt" rusumli avtomobil bilan to‘qnashgan.

YTH Natijasida, "Vaz-2104" rusumli avtomobil haydovchisi J.G. va "Cobalt" rusumli avtomobilda bo‘lgan yo‘lovchi, 2022-yilda tug‘ilgan S.A. og‘ir tan jarohatlari olib voqea joyida vafot etgan. Shuningdek, "Cobalt" rusumli avtomobil haydovchisi O.I. va ushbu avtomobil yo‘lovchisi, 1961-yilda tug‘ilgan N.I. hamda "Vaz-2104" rusumli avtomobil yo‘lovchisi, 2013-yilda tug‘ilgan A.S.lar tan jarohati olib shifoxonaga yotqizilgan.

Mazkur YTH yuzasidan Bekobod shahar IIB huzuridagi TB tomonidan dastlabki tergov harakatlari olib borilmoqda.

Barcha haydovchilardan yo‘llarda qoidalarga qat’iy rioya qilishlarini so‘raymiz.