2022-yil 20-may kuni soat 14:45larda, Namangan viloyati, Kosonsoy tumani, Kushon MFY, Hurriyat koʻchasida, 2008-yilda tugʻilgan, voyaga yetmagan bola (tumandagi 5-sonli maktabning 7-sinf oʻquvchisi) “Vaz-2106” rusumli avtomobilda harakatlanayotib, boshqaruvni yoʻqotishi oqibatida yoʻlning oʻng chetida ketayotgan piyoda, 2008-yilda tugʻilgan X.B.ni urib yuborgan.

YTH natijasida, piyoda X.B. ogʻir tan jarohatlari olganligi sabab shifoxonada vafot etgan.

Mazkur YTH yuzasidan Kosonsoy tumani IIB huzuridagi TB tomonidan Oʻzbekiston Respublikasi Jinoyat Kodeksining 266-moddasi 2-qismi bilan jinoyat ishi qoʻzgʻatilib, hozirda tergov harakatlari olib borilmoqda.

Barcha ota-onalardan voyaga yetmagan hamda haydovchilik guvohnomasiga ega boʻlmagan farzandlariga avtomobil boshqarishga ruxsat bermasliklarini soʻraymiz.