2022-yil 5-yanvar kuni soat 20:30 larda, Toshkent shahar, Mirobod tumani, Fargʻona yoʻli koʻchasida:
1) haydovchi, 1995-yilda tugʻilgan Sh.A. boshqaruvidagi “AUDI” rusumli;
2) haydovchi, 1978-yilda tugʻilgan O.B. boshqaruvidagi “Vaz-2106” rusumli;
3) haydovchi, 1978-yilda tugʻilgan A.K. boshqaruvidagi “Matiz” rusumli;
4) haydovchi, 1995-yilda tugʻilgan U.K. boshqaruvidagi “Matiz” rusumli;
5) haydovchi, 1990-yilda tugʻilgan M.A. boshqaruvida boʻlgan “Damas” rusumli avtomobillar ishtirokida toʻqnashuv sodir boʻlgan.

Toʻqnashuv natijasida, “Vaz-2106” rusumli avtomobil haydovchisi O.B. hamda “AUDI” rusumli avtomobilda boʻlgan yoʻlovchi, 1998-yilda tugʻilgan S.U.ga tez tibbiy yordam koʻrsatilgan.

Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.

Barcha haydovchilardan yoʻllarda qoidalarga rioya qilib, boshqaruvidagi transport vositasining texnik sozligiga eʼtiborli boʻlishlarini soʻraymiz.