Joriy yilning 8-mart kuni soat 17:00 larda, Fargʻona viloyati, Soʻx tumani, “Umbara” MFY hududidan oʻtgan avtomobil yoʻlida, bir yoʻnalishda harakatlanib ketayotgan haydovchilar, 1969-yilda tugʻilgan V.M. boshqaruvidagi hamda 2005-yilda tugʻilgan F.I. boshqaruvidagi “Lacetti” rusumli avtomobillar ishtirokida toʻqnashuv sodir boʻlgan.

Toʻqnashuv natijasida, ikki haydovchi hamda yoʻlovchilar J.A. va A.Q.lar tan jarohati bilan shifoxonaga murojaat qilgan.

Mazkur YTH yuzasidan Soʻx tumani IIB YHXG masʼul xodimi tomonidan surishtiruv olib borilib, tegishli hujjatlar toʻplangan. Oʻrganish davomida fuqarolarning tan jarohati boʻyicha tayinlangan sudga oid tibbiy ekspertizaning xulosasi oʻrganilib, ushbu YTHda Oʻzbekiston Respublikasi Jinoyat Kodeksining 266-moddasida koʻrsatilgan jinoyat tarkibi mavjud emasligi aniqlangan. Surishtiruv davomida haydovchi V.M. mast holda avtomobil boshqarganligi aniqlangan va unga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 131- va 133-moddalari tartibida, shuningdek, haydovchi F.I. haydovchilik guvohnomasisiz avtomobil boshqarganligi aniqlangan va unga nisbatan mazkur Kodeksning 135-moddasi 2-qismi tartibida toʻplangan hujjatlar Jinoyat ishlari boʻyicha Soʻx tumani sudiga yubrilishi chorasi koʻrilmoqda.

Barcha haydovchilardan qoidalarga rioya qilishlarini, mast holda va haydovchilik guvohnomasini olmay turib avtomobil boshqarmasliklarini soʻraymiz. Oʻzingiz va atrofdagilar salomatligini xavf ostiga qoʻymang.