2021-yil 25-noyabr kuni soat 07:00 larda, Toshkent shahar, Shayxontohur tumani, Nurafshon ko‘chasida haydovchi, 1991-yilda tug‘ilgan Q.Q. boshqaruvidagi "Spark" rusumli hamda haydovchi, 1995-yilda tug‘ilgan F.I. boshqaruvida bo‘lgan "Lacetti" rusumli avtomobillar ishtirokida to‘qnashuv sodir bo‘lgan.

Natijada, "Spark" rusumli avtomobil haydovchisi va "Lacetti" rusumli avtomobil salonida bo‘lgan bir nafar yo‘lovchi tan jarohati bilan shifoxonaga olib ketilgan.

Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.

Barcha haydovchilardan yo‘llarda qoidalarga rioya qilishlarini so‘raymiz.