Bugun, 2022-yil 28-aprel kuni soat 15:30 larda Namangan viloyati, Toʻraqoʻrgʻon tumani hududidan oʻtuvchi 4P-112 avtomobil yoʻlining 55-kilometrida haydovchi, 1983-yilda tugʻilgan M.Sh. “Lacetti” rusumli avtomobilda harakatlanayotib, oʻzi bilan bir yoʻnalishda, oldinda harakatlanib ketayotgan haydovchi, 1983-yilda tugʻilgan Gʻ.X. boshqaruvidagi “Matiz” rusumli avtomobilning orqa tomoniga urilgan. Shundan soʻng, “Matiz” avtomobili qarama-qarshi yoʻnalishga chiqib ketib, YPX xodimi, 1988-yilda tugʻilgan J.Sh.ga biriktirilgan “Lacetti” rusumli xizmat avtomobili bilan toʻqnashgan va yoʻl chetiga agʻdarilgan.

Hodisa natijasida “Matiz” avtomobili yoʻlovchisi, 1987-yilda tugʻilgan X.A. tan jarohati bilan shifoxonaga yotqizilgan.

Mazkur YTH yuzasidan Toʻraqoʻrgʻon tumani IIB huzuridagi TB tomonidan surishtiruv harakatlari olib borilmoqda.

Barcha haydovchilardan belgilangan qoidalarga amal qilishlarini soʻraymiz.