Joriy yilning 18-sentabr kuni soat 17:20 larda haydovchi F. M. “VAZ-21011” rusumli avtomobilda Samarqand shahar hududidan o‘tuvchi M-37A avtomobil yo‘lining 42-kilometrida harakatlanib kelib, shu ko‘chada ta’mirlash ishlarini olib borayotgan yo‘l qurilish ishchisini urib yuborgan.

Natijada fuqaro I. G. tan jarohati bilan shifoxonaga olib ketilgan.

Holat yuzasidan Samarqand shahri IIO FMB YHXB tomonidan surishtiruv ishlari olib borilmoqda.

Barcha haydovchilardan harakat vaqtida e’tiborli bo‘lishlarini so‘rab qolamiz