Joriy yilning 21-oktabr kuni soat 12:00 larda Buxoro viloyati, Vobkent tumani hududidan o‘tuvchi M-37 “Samarqand-Buxoro-Turkmanboshi” avtomobil yo‘lining 249-kilometrida haydovchi 1979-yilda tug‘ilgan M.Q. "Daf" rusumli yuk avtomobilda harakatlanayotib, boshqaruvni yo‘qotishi oqibatida qarama-qarshi oqimni ajratuvchi yo‘l o‘rtasidagi beton to‘siqqa urilib, YTH sodir etgan.

Hodisa natijasida tan jarohati olgan fuqarolar yo‘q. Transport vositasiga zarar yetgan.

Mazkur YTH yuzasidan Vobkent tumani IIB YHXG xodimlari tomonidan surushtiruv ishlari olib borilmoqda.

Barcha haydovchilardan belgilangan qoidalarga rioya qilishlarini so‘raymiz.