2026-yil 9-iyun kuni soat 18:10 larda Samarqand viloyatining Paxtachi tumanidagi "Mirza Olim" MFY hududidan o‘tuvchi M-37 avtomobil yo‘lining 138-kilometrida haydovchi, 1991-yilda tug‘ilgan A.R. "Damas" rusumli avtomobilni boshqarayotib, o‘zidan oldin harakatlanib ketayotgan transport vositalarini quvib o‘tish maqsadida asfalt qoplamasi mavjud bo‘lmagan yo‘l chetidan harakatlangan.

Natijada haydovchi transport vositasi boshqaruvini yo‘qotib, o‘zi bilan bir yo‘nalishda harakatlanib ketayotgan yuk avtomobilining orqa qismiga kelib to‘qnashgan.

YTH natijasida "Damas" avtomobili haydovchisi tan jarohatlari bilan shifoxonaga yetkazilgan.

Mazkur holat yuzasidan Paxtachi tumani YHXB mas’ul xodimlari tomonidan surishtiruv harakatlari olib borilmoqda.

Barcha haydovchilardan yo‘l harakati qoidalariga rioya qilib, yo‘llarda ehtiyotkorlik bilan harakatlanishlarini so‘raymiz.