Kecha, 2023-yil 23-fevral kuni soat 17:00 da Toshkent viloyati Bekobod shahar FVBga Bekobod tumani “Qoʻqon” MFY hududi boʻylab harakatlanib ketayotgan “Cobalt” rusumli avtomobil haydovchisi boshqaruvni yoʻqotishi natijasida ushbu hududdan oqib oʻtuvchi “Doʻstlik” kanaliga tushib ketganligi haqida xabar kelib tushgan.

Xabarga asosan, Bekobod shahar FVBning bir guruh qutqaruvchilari voqea joyiga yetib borib, avtomobilni kanaldan olib chiqishgan.

Hodisa natijasida vafot etgan va tan jarohati olganlar yoʻq.

Haydovchilardan yoʻllarda ehtiyotkor boʻlib, qoidalarga rioya etgan holda harakatlanishlarini soʻraymiz.