Bugun, 2023-yil 27-yanvar kuni soat 08:20 larda, Fargʻona viloyati, Margʻilon shahar, Yorqin MFY, Hamjihat koʻchasidagi 24-uy oldida toʻxtab turgan, 1982-yilda tugʻilgan O.A.ga tegishli boʻlgan “Spark” rusumli avtomobilda elektr simlarining qisqa tutashuvchi ortidan yongʻin yuzaga kelgan.

Yongʻin oʻt oʻchiruvchilar tomonidan oʻchirilgan. Hodisa natijasida tan jarohati olganlar yoʻq. Avtomobilga zarar yetgan.

Holat yuzasidan Margʻilon shahar IIB YHXB hamda FVB xodimlari tomonidan surishtiruv olib borilmoqda.

Barcha haydovchilardan boshqaruvidagi transport vositasining texnik sozligiga eʼtiborli boʻlishlarini soʻraymiz.