Бугун, 2023 йил 27 январь куни соат 08:20 ларда, Фарғона вилояти, Марғилон шаҳар, Ёрқин МФЙ, Ҳамжиҳат кўчасидаги 24-уй олдида тўхтаб турган, 1982 йилда туғилган О.А.га тегишли бўлган "Spark" русумли автомобилда электр симларининг қисқа туташувчи ортидан ёнғин юзага келган.

Ёнғин ўт ўчирувчилар томонидан ўчирилган. Ҳодиса натижасида тан жароҳати олганлар йўқ. Автомобилга зарар етган.

Ҳолат юзасидан Марғилон шаҳар ИИБ ЙҲХБ ҳамда ФВБ ходимлари томонидан суриштирув олиб борилмоқда.

Барча ҳайдовчилардан бошқарувидаги транспорт воситасининг техник созлигига эътиборли бўлишларини сўраймиз.