Dastlabki maʼlumotlarga koʻra, 2022-yil 17-oktabr kuni soat 13:30 larda Toshkent shahar, Mirobod tumani, Fargʻona yoʻli koʻchasida harakatlanib ketayotgan “MAN” rusumli yuk avtomobilining tormoz tizimida nosozlik yuzaga kelganligi oqibatida haydovchi, 1991-yilda tugʻilgan M.N. boshqaruvni yoʻqotgan va ushbu koʻchada tartibga solingan piyodalar oʻtish joyining oldida, svetoforning qizil chirogʻida toʻxtab turgan haydovchi, 1972-yilda tugʻilgan A.F. boshqaruvida boʻlgan yoʻlovchi tashuvchi avtobusga toʻqnashgan.

Toʻqnashuvdan soʻng, zarb oqibatida yuk avtomobili joyidan siljib, svetoforning qizil chirogʻida toʻxtab turgan haydovchi, 1973-yilda tugʻilgan D.G. boshqaruvidagi “Nexia-3” rusumli yengil avtomobilga urilgan.

YTH natijasida tan jarohati olgan fuqarolar yoʻq.

Mazkur YTH yuzasidan Toshkent shahar IIBB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan yoʻllarda belgilangan qoidalarga rioya qilib, boshqaruvidagi transport vositasining texnik sozligiga eʼtiborli boʻlishlarini soʻraymiz.