FVV xabariga koʻra, 2022-yil 3-yanvar kuni Namangan viloyati, Chortoq tumani FV boʻlimiga “Ayqiron” mahallasidan oqib oʻtuvchi katta Namangan kanaliga “Nexia” avtomobili haydovchisi noqulay ob-havo tufayli boshqaruvni yoʻqotib, tushib ketganligi haqida xabar kelib tushgan.

Zudlik bilan hodisa joyiga qutqaruvchilar yetib borishgan. Maxsus texnikalar va asbob-anjomlar yordamida avtomobil kanaldan olib chiqilgan.

Ushbu hodisa oqibatida tan jarohati olgan fuqarolar yoʻq.

Barcha haydovchilardan ehtiyotkor boʻlib, xavfsizlik qoidalariga rioya qilishlarini soʻraymiz.