Bugun, 2022-yil 16-dekabr kuni soat 06:30 larda Toshkent shahar, Olmazor tumani TXAY koʻchasida joylashgan “Zamona” toʻyxonasi roʻparasida haydovchi, 1983-yilda tugʻilgan U.U. boshqaruvidagi yoʻlovchi tashuvchi “Gazel” rusumli hamda haydovchi, 1995-yilda tugʻilgan A.E. boshqaruvida boʻlgan “Damas” rusumli transport vositalari ishtirokida toʻqnashuv sodir boʻlib, “Gazel” avtomobili agʻdarilgan. Transport vositalarida yoʻlovchilar boʻlmagan.

YTH natijasida “Damas” rusumli avtomobil haydovchisi A.E. tan jarohati bilan shifoxonaga murojaat qilgan.

Mazkur YTH yuzasidan Toshkent shahar IIBB JXX YHXB xodimlari tomonidan surishtiruv olib borilmoqda.

Barcha haydovchilardan yoʻllarda qoidalarga rioya qilishlarini soʻraymiz.