FVV xabariga ko‘ra, bugun, 2021-yil 20-dekabr kuni soat 07:50 da, Toshkent shahar, Uchtepa tumani, Farxod ko‘chasida "O‘rikzor-Do‘mbirobod" 125-yo‘nalishda harakatlanib ketayotgan "Mercedes-Benz" rusumli avtobusda yong‘in sodir bo‘lganligi to‘g‘risida FV bo‘limiga xabar kelib tushgan.

2 ta yong‘in-qutqaruv ekipaji hodisa joyiga jalb etilgan va yong‘in bartaraf qilingan. Yong‘in natijasida tan jarohati olgan fuqarolar yo‘q. Avtobusning dvigatel qismi zararlangan.

Hozirda mutaxassislar tomonidan yong‘in yuzaga kelish sabablari o‘rganilmoqda.

Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz.