ФВВ хабарига кўра, бугун, 2021 йил 20 декабрь куни соат 07:50 да, Тошкент шаҳар, Учтепа тумани, Фарход кўчасида "Ўрикзор-Дўмбиробод" 125-йўналишда ҳаракатланиб кетаётган "Mercedes-Benz" русумли автобусда ёнғин содир бўлганлиги тўғрисида ФВ бўлимига хабар келиб тушган.

2 та ёнғин-қутқарув экипажи ҳодиса жойига жалб этилган ва ёнғин бартараф қилинган. Ёнғин натижасида тан жароҳати олган фуқаролар йўқ. Автобуснинг двигатель қисми зарарланган.

Ҳозирда мутахассислар томонидан ёнғин юзага келиш сабаблари ўрганилмоқда.

Барча ҳайдовчилардан бошқарувидаги транспорт воситасининг техник созлигига эътиборли бўлишларини сўраймиз.