FVV xabariga koʻra, bugun, 2022-yil 17-yanvar kuni soat 12:35da “Qamchiq” dovonining 242-kilometrida, “Toshkent-Vodiy” yoʻnalishida “Nexia” rusumli avtomobilda harakatlanayotgan haydovchi noqulay ob-havo sharoiti sabab boshqaruvni yoʻqotishi oqibatida yoʻl chetidagi pastlikka tushib ketgan. Transport vositasida haydovchining oʻzi boʻlib, tan jarohati olmagan.

Voqea joyiga zudlik bilan qutqaruv guruhlari kelib, yuk avtomobili yordamida yengil avtomobilni pastlikdan olib chiqish choralari koʻrilgan.

Barcha haydovchilardan ob-havo sharoitini inobatga olgan holda, tezlikni oshirmasdan, oraliq masofani saqlab harakatlanishlarini soʻraymiz.