ФВВ хабарига кўра, бугун, 2022 йил 17 январь куни соат 12:35да «Қамчиқ» довонининг 242-километрида, «Тошкент-Водий» йўналишида "Nexia" русумли автомобилда ҳаракатланаётган ҳайдовчи ноқулай об-ҳаво шароити сабаб бошқарувни йўқотиши оқибатида йўл четидаги пастликка тушиб кетган. Транспорт воситасида ҳайдовчининг ўзи бўлиб, тан жароҳати олмаган.

Воқеа жойига зудлик билан қутқарув гуруҳлари келиб, юк автомобили ёрдамида енгил автомобилни пастликдан олиб чиқиш чоралари кўрилган.

Барча ҳайдовчилардан об-ҳаво шароитини инобатга олган ҳолда, тезликни оширмасдан, оралиқ масофани сақлаб ҳаракатланишларини сўраймиз.