Dastlabki ma’lumotlarga ko‘ra, 2021-yil 13-avgust kuni soat 19:00 larda, Toshkent shahar, Shayxontohur tumani, Zarqaynar ko‘chasida haydovchi, 1998-yilda tug‘ilgan A.M. boshqaruvidagi "Nexia 3" hamda haydovchi 1987-yilda tug‘ilgan B.M. boshqaruvida bo‘lgan "Matiz" rusumli avtomobillar to‘qnashgan va zarb oqibatida "Matiz" avtomobili ag‘darilgan.

Natijada, "Matiz" rusumli avtomobil haydovchisi B.M. tan jarohati bilan shifoxonaga olib ketilgan.

Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.

Barcha haydovchilardan qoidalarga rioya qilishlarini so‘raymiz.