Bugun, 2022-yil 26-oktabr kuni soat 08:00 larda, Samarqand viloyati, Toyloq tumani hududidan oʻtuvchi M-39 avtomobil yoʻlining 1085-kilometrida harakatlanib ketayotgan “Damas” rusumli avtomobilning dvigatel qismida qisqa tutashuv va uning ortidan yongʻin yuzaga kelgan. Haydovchi zudlik bilan avtomobilni toʻxtatgan.

Yongʻin oʻt oʻchiruvchilar tomonidan bartaraf etilgan.

Yongʻin natijasida tan jarohati olgan fuqarolar yoʻq.

Mazkur hodisa yuzasidan tuman FVB va YHXB xodimlari tomonidan surishtiruv harakatlari olib borilmoqda.

Barcha haydovchilardan boshqaruvidagi transport vositasining texnik sozligiga eʼtiborli boʻlishlarini soʻraymiz.