Joriy yilning 19 sentyabr kuni soat 23:35 larda, Xorazm viloyati, Tuproqqal’a tumani, Sarimoy qishlog‘i hududidan o‘tgan A-380 "Gʻuzor-Buxoro-Nukus-Beyneu" xalqaro ahamiyatdagi avtomobil yo‘lining 493-kilometrida, haydovchi, 1996 yilda tug‘ilgan A.M. boshqaruvidagi "Tacuma" rusumli hamda haydovchi, 1970 yilda tug‘ilgan B.M. boshqaruvida bo‘lgan "Isuzu" rusumli avtomobillar ishtirokida to‘qnashuv sodir bo‘lgan.

Natijada, "Tacuma" rusumli avtomobil haydovchisi A.M. hodisa joyida, ushbu avtomobil yo‘lovchilari S.M. shifoxonaga olib ketilayotganda, R.J. va A.Q.lar shifoxonada vafot etgan.

Mazkur YTH yuzasidan Tuproqqal’a tumani IIB huzuridagi TB tomonidan O‘zbekiston Respublikasi Jinoyat Kodeksining 266-moddasi 3-qismi "a" bandi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

IIV YHXBB tomonidan xizmat tekshiruvi tayinlandi. Tekshiruv davomida YTH joyi va boshqa tafsilotlar to‘liq o‘rganilib, to‘qnashuv sabablariga aniqlik kiritiladi.

Barcha haydovchilardan yo‘llarda qoidalarga rioya qilishlarini, tungi vaqtlarda o‘ta ehtiyotkor bo‘lishlarini so‘raymiz.