Joriy yilning 9-iyun kuni soat 10:00 larda Urgut tumanining Guliston MFY hududida Jizzax viloyati Zomin tumanida yashovchi 1991-yilda tugʻilgan fuqaro X.J. ga tegishli boʻlgan “ZIL” rusumli transport vositasiga ortilgan 400 dona somon precsi yonib ketdi.
Yongʻinning sababi: haydovchi yuk mashinasiga meʼyorlardan ortiq balandlikda somon ortgani uchun harakatlanib ketayotgan vaqtida elektr tarmoqlaridagi simlarga tegib qolgan.
Shundan soʻng, ular elektr simini tepaga koʻtarmoqchi boʻlishganida qisqa tutashuv hamda chaqnash sodir boʻlib yongʻin yuzaga kelgan. Yongʻinni tuman FVB xodimlari bartaraf etgan. Hodisa oqibatida jarohat olganlar yoʻq.
Holat yuzasidan tergovga qadar tekshiruv harakatlari olib borilmoqda.

Hurmatli haydovchilar yuk ortish va yuk tashish qoidalariga rioya qiling.