2022-yil 16-dekabr kuni soat 16:10 larda Buxoro viloyati, Buxoro tumani, Turkon MFY hududidan oʻtuvchi M-37 avtomobil yoʻlining 253-kilometrida sodir boʻlgan “Nexia-3” hamda “Spark” rusumli avtomobillar ishtirokidagi YTHni rasmiylashtirish jarayonida YPX xodimi Yo.Haydarov harakat xavfsizligini taʼminlash maqsadida “Lacetti” rusumli xizmat avtomobilini mayoqchalari yoqilgan holda, yoʻnalishlarni ajratuvchi beton toʻsiq yoniga, “Nexia-3” avtomobilining orqa tomoniga joylashtirgan.

Xodimlar xizmat vazifasini bajarayotgan vaqtda 2001-yilda tugʻilgan haydovchi S.I. eʼtiborsizligi sabab boshqaruvidagi “Cobalt” avtomobilida mayoqchalari yoqilgan holda toʻxtab turgan “Lacetti” rusumli avtomobilning orqa tomoniga toʻqnashgan.

Mazkur sodir boʻlgan YTHlar natijasida tan jarohati olgan fuqarolar yoʻq.

Holat yuzasidan Buxoro tuman prokuraturasi xodimlari tomonidan tergovga qadar tekshiruv harakatlari olib borilmoqda.