Dastlabki maʼlumotlarga koʻra, bugun, 2024-yil 16-mart kuni soat 10:30lar atrofida Jizzax viloyati, Sharof Rashidov tumani hududidan oʻtuvchi M-39 avtomobil yoʻlining 983-kilometrida yuk avtomobili haydovchisi rul boshqaruvini yoʻqotib, yoʻlni qarama-qarshi oqimini ajratib turuvchi beton toʻsiqqa urilgan. Toʻqnashuv natijasida yuk avtomobilida yongʻin yuzaga kelgan.

Yongʻin oʻt oʻchiruvchilar tomonidan bartaraf etish choralari koʻrildi. Hodisa natijasida tan jarohati olgan fuqarolar yoʻq.

Mazkur YTH yuzasidan tuman IIB JXX YHXB hamda FVB xodimlari tomonidan surishtiruv harakatlari olib borilmoqda.

Barcha haydovchilardan yoʻllarda qoidalarga rioya qilishlarini va ehtiyotkorlik bilan harakatlanishlarini soʻraymiz.