Hududlarda xizmat olib borayotgan YPX xodimlari tomonidan tekshiruvlar davomida, planshet moslamasi yordamida qidiruvdagi shaxslar aniqlanmoqda. Shuningdek, ko‘rinishi va gap-so‘zlaridan shubha uyg‘otgan fuqarolar yonidan, transport vositalaridan giyohvandlik hamda psixotrop dori vositalari topilishi ham davom etmoqda:

- 2021-yil 23-noyabr kuni soat 02:15 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va B.Nugmonovlar tomonidan Toshkent viloyatidan Toshkent shahriga kirib kelayotgan “Lacetti” rusumli avtomobil to‘xtatilganda, salonda bo‘lgan yo‘lovchi, 1994-yilda tug‘ilgan O. B. ko‘rinishidan xodimlarda shubha uyg‘otgan. Xolis va guvohlar ishtirokidagi tekshiruv davomida fuqaro O. B. ning cho‘ntagidan syellofanga o‘ralgan, jigar rangli, o‘tkir hidli, saqichsimon modda topilgan. Tegishli hujjatlar rasmiylashtirilib, fuqaro O. B. va topilgan modda Bektemir tumani IIO FMBga topshirilgan;

- 2021-yil 24-noyabr kuni soat 00:30 larda YPX xodimlari E.Rasulov va D.Pirnazarovlar tomonidan, Olmazor tumani, Sag‘bon ko‘chasida “Spark” rusumli avtomobil to‘xtatilib, haydovchi, 1991-yilda tug‘ilgan N. A. ning ma’lumotlari planshet moslamasi yordamida, maxsus dastur orqali tekshirilganda, fuqaro N. A. O‘zbekiston Respublikasi Jinoyat Kodeksining 168-moddasi 3-qismi bilan ayblanib, 2021-yil 1-noyabr kunidan buyon qidiruvdaligi ma’lum bo‘lgan. Tegishli hujjatlar rasmiylashtirilib, fuqaro N. A. Olmazor tumani IIO FMB 4-sonli IIBga topshirilgan;

- 2021-yil 24-noyabr kuni soat 01:10 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va B.Nugmonovlar tomonidan Toshkent viloyatidan Toshkent shahriga kirib kelayotgan “Spark” rusumli avtomobil to‘xtatilganda, haydovchi, 1989-yilda tug‘ilgan M. M. turli xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida fuqaro M. M. ning yonidan syellofanga o‘ralgan, jigar rangli, o‘tkir hidli, saqichsimon modda xamda avtoulov salonidan 5 dona “Tropikamid” va 20 dona “Lirika” nomli psixotrop dori vositalari topilgan. Tegishli hujjatlar rasmiylashtirilib, haydovchi M. M. va topilgan moddalar Bektemir tumani IIO FMBga topshirilgan.