2022-yil 14-fevral kuni soat 23:00 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari Sh.Xikmatov va R.Gafurovlar tomonidan, Toshkent viloyatidan poytaxtga kirib kelayotgan “Cobalt” rusumli avtomobil toʻxtatilib, haydovchi, 1989-yilda tugʻilgan S.A.ning maʼlumotlari planshet moslamasi yordamida, maxsus dastur orqali tekshirlganda, fuqaro S.A. Oʻzbekiston Respublikasi Jinoyat Kodeksining 273-moddasi 5-qismi (giyohvandlik vositalari, ularning analoglari yoki psixotrop moddalarni koʻp miqdorda qonunga xilof ravishda sotish) bilan ayblanib, 2014-yil 8-mart kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro S.A. Chilonzor tumani IIO FMBga topshirilgan.