Toshkent shahar hokimligi Matbuot xizmatining xabariga koʻra, joriy yilning 8-aprel kuni 20-motomavsum ochilishi oʻtkaziladi. Shu munosabati bilan motosayyohlarning tantanali yurishi boʻlib oʻtadi va poytaxtimizdagi bir necha koʻchalar soat 12:00 dan 13:00 gacha yopiladi:

• Choʻpon ota koʻchasi yaqinidagi avtoturargohdan Yettiterak koʻchasi boʻylab Oʻzbekiston shoh koʻchasi bilan kesimasigacha;
• Yettiterak koʻchasining Oʻzbekiston shoh koʻchasi bilan kesishmasidan shoh koʻchaning Buxoro koʻchasi kesishmasigacha (Kosmonavtlar metro bekati);
• Buxoro koʻchasi Kosmonavtlar metro bekatidan Alisher Navoiy koʻchasi bilan kesishmasigacha;
• Alisher Navoiy koʻchasi Buxora koʻchasidan Furqat koʻchasi bilan kesishmasigacha;
• Furqat koʻchasi Alisher Navoiy koʻchasidan Bunyodkor shoh koʻchasi bilan kesishmasigacha;
• Furqat koʻchasining Bunyodkor shoh koʻchasi bilan kesishmasidan “Milliy” stadionining asosiy kirish qismi oldidagi maydonchagacha.

Haydovchilarga aylanma yoʻllardan harakatlanish tavsiya etiladi.