“Aholining sog‘lom turmush tarzini qo‘llab-quvvatlash va jismoniy faolligini oshirishga doir qo‘shimcha chora-tadbirlar to‘g‘risida”gi Hukumat qarori (735-son, 19.11.2020 y.)ga ko‘ra, 2021-yildan boshlab 22-sentabr kuni respublika bo‘yicha «Avtomobilsiz kun» sifatida e’lon qilingan.

Shu munosabat bilan ertaga, 22-sentabr kuni barcha fuqarolardan ishga, o‘qishga borishda yoki boshqa sabablar bilan yo‘llarda imkon darajasida jamoat transportlaridan, velosipeddan foydalanishlarini yoki piyoda harakatlanishlarini so‘raymiz.

Ushbu kun jahon miqyosida "Avtomobilsiz kun" hisoblanib, fuqarolar mazkur kunda zaruratsiz holatlarda jamoat transportlarida, velosipedda yoki piyoda harakatlanishadi.

Barcha fuqarolardan xalqaro miqyosdagi tadbirni samarali tashkil etishda faol ishtirok etishlarini, OAV vakillaridan mazkur xabarni keng tarqatishda ko‘mak berishlarini so‘raymiz.