Tekshiruvlar davomida:

- 2022-yil 19-aprel kuni soat 17:10 larda, Yangihayot tumanida joylashgan “Yangihayot” blok-postida xizmat olib borayotgan YPX xodimlari A.Boboqulov va M.Tojiboyevlar tomonidan, Toshkent viloyatidan poytaxtga kirib kelayotgan “BMW” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1992-yilda tugʻilgan S.K.ning yonidan jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro S.K. va aniqlangan modda Yangihayot tumani IIO FMBga topshirilgan.

- 2022-yil 19-aprel kuni soat 16:00 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari T.Raximov va I.Meyliyevlar tomonidan, Toshkent viloyatidan poytaxtga kirib kelayotgan “Cobalt” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 2004-yilda tugʻilgan I.I.ning sumkasidan 28 dona “Peregabalin” va 10 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro I.I. va aniqlangan vositalar Yunusobod tumani IIO FMBga topshirilgan.

- 2022-yil 19-aprel kuni soat 21:40 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va D.Payziyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1983-yilda tugʻilgan A.A.ning yonidan 2 dona “Regapen” nomli psixotrop dori vositalari va “zajigalka” tagiga yopishtirilgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.A. va aniqlangan vositalar Bektemir tumani IIO FMBga topshirilgan.

- 2022-yil 19-aprel kuni soat 14:25 larda, Yangihayot tumanida xizmat olib borayotgan YPX xodimlari R.Nomozov va A.Rashidovlar tomonidan, Binokor koʻchasi boʻylab harakatlanib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1998-yilda tugʻilgan X.A.ning yonidan selofanga solingan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro X.A. va aniqlangan modda Yangixayot tumani IIO FMBga topshirilgan.

- 2022-yil 19-aprel kuni soat 22:45 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va D.Payziyevlar tomonidan, Toshkent viloyatidan poytaxtga kirib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 2001-yilda tugʻilgan A.Sh.ning yonidan “zajigalka” tagiga yopishtirilgan jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.Sh. va aniqlangan modda Bektemir tumani IIO FMBga topshirilgan.

- 2022-yil 20-aprel kuni soat 14:30 larda, Bektemir tumanida joylashgan “Bektemir” YPX maskanida xizmat olib borayotgan YPX xodimlari F.Roʻziboyev tomonidan, Toshkent viloyatidan poytaxtga kirib kelayotgan, haydovchi, 1990-yilda tugʻilgan O.J. boshqaruvidagi “Lacetti” rusumli avtomobil toʻxtatilib tekshirilganda, yoʻlovchi, 1992-yilda tugʻilgan D.A. oʻzining koʻrinishi va xatti-harakatlari bilan xodimda shubha uygʻotgan. Xolis va guvohlar ishtirokidagi tekshiruvlar mobaynida fuqaro D.A.ning sumkasidan 14 dona “Tropikamid”, 34 dona “Regapen” nomli psixotrop dori vositalari hamda jigar rangli saqichsimon va selofanga oʻralgan, oq rangli, oʻtkir hidli kukinsimon moddalar shuningdek, qoʻlda yasalgan turli xil moslamalar topilgan.

Mazkur holat yuzasidan tegishli hujjatlar rasmiylashtirilib, haydovchi hamda uch nafar yoʻlovchilar va topilgan vositalar Bektemir tumani IIO FMBga topshirilgan.

Yoʻllarda tekshiruvlar davom etmoqda...