Текширувлар давомида:

- 2022 йил 19 апрель куни соат 17:10 ларда, Янгиҳаёт туманида жойлашган “Янгиҳаёт” блок-постида хизмат олиб бораётган ЙПХ ходимлари А.Бобоқулов ва М.Тожибоевлар томонидан, Тошкент вилоятидан пойтахтга кириб келаётган "BMW" русумли автомобиль тўхтатилиб, холис ва гувоҳлар иштирокида текширилганда, йўловчи, 1992 йилда туғилган С.К.нинг ёнидан жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро С.К. ва аниқланган модда Янгиҳаёт тумани ИИО ФМБга топширилган.

- 2022 йил 19 апрель куни соат 16:00 ларда, Юнусобод туманида жойлашган “Уч қаҳрамон” ЙПХ масканида хизмат олиб бораётган ЙПХ ходимлари Т.Рахимов ва И.Мейлиевлар томонидан, Тошкент вилоятидан пойтахтга кириб келаётган "Cobalt" русумли автомобиль тўхтатилиб, холис ва гувоҳлар иштирокида текширилганда, йўловчи, 2004 йилда туғилган И.И.нинг сумкасидан 28 дона “Перегабалин” ва 10 дона “Регапен” номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро И.И. ва аниқланган воситалар Юнусобод тумани ИИО ФМБга топширилган.

- 2022 йил 19 апрель куни соат 21:40 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари М.Шарипов ва Д.Пайзиевлар томонидан, Тошкент вилоятидан пойтахтга кириб келаётган "Lacetti" русумли автомобиль тўхтатилиб, холис ва гувоҳлар иштирокида текширилганда, йўловчи, 1983 йилда туғилган А.А.нинг ёнидан 2 дона “Регапен” номли психотроп дори воситалари ва "зажигалка" тагига ёпиштирилган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.А. ва аниқланган воситалар Бектемир тумани ИИО ФМБга топширилган.

- 2022 йил 19 апрель куни соат 14:25 ларда, Янгиҳаёт туманида хизмат олиб бораётган ЙПХ ходимлари Р.Номозов ва А.Рашидовлар томонидан, Бинокор кўчаси бўйлаб ҳаракатланиб келаётган "Lacetti" русумли автомобиль тўхтатилиб, холис ва гувоҳлар иштирокида текширилганда, йўловчи, 1998 йилда туғилган Х.А.нинг ёнидан целлофанга солинган, оқ рангли, ўткир ҳидли, кукунсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Х.А. ва аниқланган модда Янгихаёт тумани ИИО ФМБга топширилган.

- 2022 йил 19 апрель куни соат 22:45 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари М.Шарипов ва Д.Пайзиевлар томонидан, Тошкент вилоятидан пойтахтга кириб келаётган "Spark" русумли автомобиль тўхтатилиб, холис ва гувоҳлар иштирокида текширилганда, йўловчи, 2001 йилда туғилган А.Ш.нинг ёнидан "зажигалка" тагига ёпиштирилган жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.Ш. ва аниқланган модда Бектемир тумани ИИО ФМБга топширилган.

- 2022 йил 20 апрель куни соат 14:30 ларда, Бектемир туманида жойлашган "Бектемир" ЙПХ масканида хизмат олиб бораётган ЙПХ ходимлари Ф.Рўзибоев томонидан, Тошкент вилоятидан пойтахтга кириб келаётган, ҳайдовчи, 1990 йилда туғилган О.Ж. бошқарувидаги "Lacetti" русумли автомобиль тўхтатилиб текширилганда, йўловчи, 1992 йилда туғилган Д.А. ўзининг кўриниши ва хатти-ҳаракатлари билан ходимда шубҳа уйғотган. Холис ва гувоҳлар иштирокидаги текширувлар мобайнида фуқаро Д.А.нинг сумкасидан 14 дона "Тропикамид", 34 дона "Регапен" номли психотроп дори воситалари ҳамда жигар рангли сақичсимон ва целлофанга ўралган, оқ рангли, ўткир ҳидли кукинсимон моддалар шунингдек, қўлда ясалган турли хил мосламалар топилган.

Мазкур ҳолат юзасидан тегишли ҳужжатлар расмийлаштирилиб, ҳайдовчи ҳамда уч нафар йўловчилар ва топилган воситалар Бектемир тумани ИИО ФМБга топширилган.

Йўлларда текширувлар давом этмоқда...