"Yashil chiroq-2025" respublika bosqichiga start berildi
21-avgust kuni Toshkent viloyatining Bo‘stonliq tumanida joylashgan "Semurg‘" bolalar oromgohida Yo‘l harakati qoidalari bo‘yicha o‘tkaziladigan "Yashil chiroq-2025" musobaqasining respublika bosqichiga start berildi.
Musobaqada respublika bo‘yicha saralangan eng iqtidorli o‘quvchilar ishtirok etmoqda.
Ular jamoaviy va yakka tartibdagi jami 13 ta shart bo‘yicha bellashuvlarda qatnashib, bilim va ko‘nikmalarini sinovdan o‘tkazadilar.
Musobaqa yakunida faxrli o‘rinlarni egallagan jamoalarga diplom va esdalik sovg‘alari topshiriladi. Shuningdek, faol ishtirokchilar ham munosib taqdirlanadilar.
Tadbirning bosh maqsadi – yoshlarda yo‘l harakati qoidalariga rioya qilish madaniyatini shakllantirish.