"Xavfsiz va sog‘lom yurt" tezkor-profilaktik oyligi doirasida, Andijon shahar hududida YPX xodimlari tomonidan haydovchilarning huquqiy ongi va yo‘l harakati madaniyatini yuksaltirishga qaratilgan keng qamrovli targ‘ibot tadbirlari o‘tkazildi.

Tadbir davomida haydovchilarga charchoq holatida transport vositasini boshqarish yo‘l-transport hodisalariga sabab bo‘lishi mumkinligi tushuntirilib, yo‘l harakati qoidalariga doimo qat’iy amal qilishning ahamiyati haqida atroflicha ma’lumotlar berildi.

Shuningdek, haydovchilarga harakat vaqtida piyodalarga, ayniqsa voyaga yetmagan bolalar, keksalar, velosiped, moped va skuter haydovchilariga nisbatan yuqori darajada e’tiborli va hurmat bilan munosabatda bo‘lish zarurligi ta’kidlandi.

Targ‘ibot tadbirlari davomida yo‘l harakati xavfsizligiga oid amaliy tavsiyalar aks etgan eslatma buklet va flayerlar tarqatildi.