2022-yil 8-noyabr kuni soat 21:00 larda “Vodiy-Toshkent” yoʻnalishi boʻylab “Qamchiq” dovonidan oʻtgan avtomobil yoʻlida harakatlanib ketayotgan haydovchi, 1988-yilda tugʻilgan I.S. boshqaruvidagi “Isuzu” rusumli yuk avtomobil YPX xodimlari tomonidan toʻxtatilib tekshirilganda, tegishli hujjatlari boʻlmagan, chet davlatda ishlab chiqarilgan 188 dona televizorlar hamda “Treniya” nomli 791,450 dona pirotexnika vositalari olib ketilayotganligi aniqlangan.

Holat tegishli tartibda rasmiylashtirilib, haydovchi va aniqlangan televizorlar hamda pirotexnika vositalari Pop tumani IIBga topshirilgan.

Tekshiruvlar davom etmoqda...