2024-yil 8-noyabr kuni soat 17:30 larda “Namangan” YPX maskanida xizmat olib borayotgan YPX xodimlari tomonidan “Vodiy-Toshkent” yoʻnalishida harakatlanib kelgan haydovchi, 1992-yilda tugʻilgan N.O. boshqaruvidagi “Malibu-2” rusumli avtomobil toʻxtatilib tekshirilganda, yukxonasida tegishli hujjatlari boʻlmagan 6 600 dona “Ampisulbaktam” nomli dori vositalari olib ketilayotganligi aniqlangan.

Mazkur holat yuzasidan hujjatlar rasmiylashtirilib, fuqaro N.O. va dori vositalari IJQK Departamentining Pop tumani boʻlimiga topshirilgan.

2024-yil 8-noyabr kuni soat 17:15 larda “Namangan” YPX maskanida haydovchi, 1997-yilda tugʻilgan M.S. boshqaruvidagi “Lacetti” rusumli avtomobil toʻxtatilgan. Haydovchining xatti-harakatlari xodamlarda shubha uygʻotganligi sababli xolis va guvohlar ishtirokida tekshiruv oʻtkazilgan. Tekshiruv davomida avtomobil salonidagi tamaki qutisidan hamda “zajigalka” tagiga yopishtirilgan jigar rangli, oʻtkir hidli, koʻrinishidan “gashish” giyohvandlik moddasiga oʻxshash moddalar aniqlangan.

Mazkur holat yuzasidan tegishli hujjatlar rasmiylashtirilib, haydovchi M.S. va aniqlangan moddalar Pop tumani IIBga topshirilgan.

Tekshiruvlar davom etmoqda...