Tekshiruvlar davomida:

- 2025-yil 11-yanvar kuni soat 16:00 larda “Namangan” YPX maskanida IIV JXD YHXXning “Qamchiq” dovoni boʻyicha YPX otryadi xodimlari hamda DXX Namangan viloyati boshqarmasi xodimlari bilan hamkorlikda oʻtkazilgan tadbir davomida “Vodiy-Toshkent” yoʻnalishi boʻylab harakatlanib kelgan haydovchi, 1966-yilda tugʻilgan O.B. boshqaruvidagi “Cobalt” rusumli avtomobil toʻxtatilib, xolis va guvohlar ishtirokida tekshirilganda, yukxonasidan yoʻlovchi, 1987-yilda tugʻilgan M.Q.ga tegishli boʻlgan selofan paket ichidan 60 dona kasetalarda 899 dona “Lirikap” nomli va 99 dona “Tropikamid” nomli psixotrop dori vositalari aniqlangan.

Mazkur holat yuzasidan tegishli hujjatlar rasmiylashtirilib, fuqarolar va psixotrop dori vositalari DXX xodimlariga topshirilgan.

- 2025-yil 13-yanvar kuni soat 14:45 larda “Namangan” YPX maskanida haydovchi, 2001-yilda tugʻilgan M.M. boshqaruvidagi “Tracker” rusumli avtomobil toʻxtatilib tekshirilganda yoʻlovchisi, 2000-yilda tugʻilgan X.S. oʻzining xatti-harakatlari bilan xodimlarda shubha uygʻotgan.

Xolis va guvohlar ishtirokidagi tekshiruv davomida ushbu fuqaroning choʻntagidagi tamaki qutisi ichidan selofanga oʻralgan, jami 3 dona oʻramlarda toʻq yashil rangli, oʻtkir hidli, “gashish” giyohvandlik moddasiga oʻxshash moddalar borligi aniqlangan.

Holat tegishli tartibda rasmiylashtirilib, fuqarolar va aniqlangan moddalar Pop tumani IIBga topshirilgan.

- 2025-yil 14-yanvar kuni soat 15:30 larda “Namangan” YPX maskanida haydovchi, 1997-yilda tugʻilgan G.Sh. boshqaruvidagi “Matiz” rusumli avtomobil toʻxtatilganda, yoʻlovchi M.F. turli xatti-harakatlari bilan xodimlarda shubha uygʻotgan.

Xolis va guvohlar ishtirokidagi tekshiruv davomida ushbu fuqaroning yonidan selofanga oʻralgan, jami 7 dona oʻramlarda toʻq yashil rangli, oʻtkir hidli, “gashish” giyohvandlik moddasiga oʻxshash moddalar topilgan.

Mazkur holat yuzasidan hujjatlar rasmiylashtirilib, haydovchi hamda yoʻlovchi va topilgan moddalar Pop tumani IIBga topshirilgan.

- 2025-yil 19-yanvar kuni soat 04:30 larda “Namangan” YPX maskanida IIV JXD YHXXning “Qamchiq” davoni boʻyicha YPX otryadi hamda Namangan viloyati Bojxona boshqarmasi xodimlari bilan hamkorlikda oʻtkazilgan tadbir davomida “Toshkent-Vodiy” yoʻnalishi boʻylab harakatlanib kelgan haydovchi, 1983-yilda tugʻilgan Yu.R. boshqaruvidagi “Damas” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan selofanlarga oʻralgan, toʻq yashil rangli, oʻtkir hidli, jami 2.485 kg ogʻirlikda “gashish” giyohvandlik moddasiga oʻxshash modda topilgan.

Holat rasmiylashtirilib, haydovchi va topilgan moddalar Namangan viloyati Bojxona boshqarmasi hududiy tezkor vakiliga topshirilgan.

- 2025-yil 27-yanvar kuni soat 17:45 larda “Chinor” YPX maskanida “Vodiy-Toshkent” yoʻnalishida harakatlanib kelgan “Cobalt” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1984-yilda tugʻilgan Y.A.ning yonidan tegishli hujjatlari boʻlmagan pnevmatik qurol topilgan.

Holat yuzasidan belgilangan tartibda hujjatlar rasmiylashtirilib, aniqlangan qurol hamda fuqaro Ohangaron tumani IIBga topshirilgan.

- 2025-yil 1-fevral kuni soat 14:30 larda “Namangan” YPX maskanida haydovchi, 1995-yilda tugʻilgan T.N. boshqaruvidagi “BYD” rusumli avtomobil toʻxtatilib tekshirilganda, avtomobil salonida boʻlgan yoʻlovchi, 2006-yilda tugʻilgan A.S. turli xatti-harakatlari bilan xodimlarda shubha uygʻotgan.

Xolis va guvohlar ishtirokidagi tekshiruv davomida fuqaro A.S.ga tegishli telefon gʻilofining ichiga toʻq yashil rangli, oʻtkir hidli, “gashish” giyohvandlik moddasiga oʻxshash modda yopishtirilganligi aniqlangan.

Tegishli hujjatlar rasmiylashtirilib, A.S. va aniqlangan modda Namangan viloyati Pop tumani IIBga topshirilgan.

- 2025-yil 2-fevral kuni soat 15:30 larda “Namangan” YPX maskanida “Vodiy-Toshkent” yoʻnalishida harakatlanib kelgan haydovchi, 1989-yilda tugʻilgan I.R. boshqaruvidagi “Nexia-3” rusumli avtomobil toʻxtatilib, xolis va guvohlar ishtirokida tekshirilganda avtomobil salonidagi sellofan paket ichida jami 200 dona “Tropikamid" nomli
psixotrop dori vositalari olib ketilayotganligi aniqlangan.

Mazkur holat yuzasidan hujjatlar rasmiylashtirilib, fuqaro I.R. va psixotrop dori vositalari Fargʻona viloyati HMQO xodimlariga topshirilgan.

Yoʻllarda tekshiruvlar davom etmoqda...