Ichki ishlar vaziri general-leytenant Poʻlat Bobojonov boshchiligidagi idoralararo ishchi guruh vakillari tomonidan Andijon viloyati hududidan oʻtuvchi avtomobil yoʻllarida harakat xavfsizligini taʼminlash borasidagi kamchiliklar, amalga oshirilishi lozim boʻlgan chora-tadbirlar oʻrganildi va aniq rejalar belgilab berildi.

Yoʻl harakati xavfsizligini taʼminlash sohasidagi maxsus komissiyaning 3-sonli bayoni asosida Andijon viloyati boʻylab shahar va tumanlarda transport vositalarining yuqori cheklangan tezligi soatiga 60 kilometr etib belgilangan koʻchalarda tegishli taqiqlovchi belgilar oʻrnatilishi nazoratga olindi.

Mahallalarda, jamoat joylarida masʼul xodimlar, jamoatchilik faollari hamda haydovchilar ishtirokida harakatlanish madaniyatini yanada oshirish, belgilangan tartib va qoidalarga rioya etgan holda harakatlanish boʻyicha muhokama yigʻilishlari tashkil etildi.