Joriy yilning 5-dekabr kuni soat 06:40larda Angren shahridan oʻtuvchi xalqaro ahamiyatdagi A-373 avtomobil yoʻlining 185-kilometrida xizmat olib borayotgan YPX xodimlari tomonidan “Vodiy-Toshkent” yoʻnalishida harakatlanib kelayotgan “Mercedes-Benz Sprinter” rusumli avtomobil toʻxtatilib tekshirilganda, mazkur transport vositasida 49,5 ming dona “Трения”, 192,5 ming dona “Британик” nomli pirotexnika vositalari hamda 1800 dona “Milano” nomli tamaki mahsulotlari olib ketilayotganligi aniqlangan.

Holat oʻrnatilgan tartibda rasmiylashtirilib, 1975-yilda tugʻilgan haydovchi U.J. va aniqlangan mahsulotlar Angren shahar IIBga topshirilgan.

Yoʻllarda tekshiruvlar davom etmoqda.