Haftaning har shanba kuni IIV YHXBB binosida mavjud bo‘lgan fuqarolarni qabul qilish xonasida bosh boshqarma boshlig‘i polkovnik O.Ch.Saidov tomonidan murojaat bilan kelgan fuqarolar qabul qilinmoqda.

Har bir fuqaroning murojaati imkon darajasida tezkorlik bilan o‘rganilib, qo‘shimcha surishtiruvlarni talab etmaydigan bo‘lsa, shu kunning o‘zida murojaatda aytilgan muammo va kamchiliklarni bartaraf etish choralari ko‘rilmoqda.

Qo‘shimcha surishtiruvlarni talab etadigan murojaatlar ham shaxsan bosh boshqarma boshlig‘ining nazorati ostida o‘rganilmoqda.

2021 yilning 10 oyi mobaynida jismoniy va yuridik shaxslar hamda ularning vakillari tomonidan DYHXX sohasiga oid 7395 ta murojaatlar kelib tushgan.

Murojaatlar tasnifi bo‘yicha tahlil qilinganda:

- 5177 tasi transport vositasini qayta jihozlash masalasida;

- 686 tasi yo‘l harakati qoidalarini buzganlik uchun tuzilgan ma’muriy bayonnomadan norozilik masalasida;

- 466 tasi transport vositasilarini davlat ro‘yxatidan o‘tkazish masalasida.

Murojaat bilan kelgan har bir fuqaroning muammoli vaziyatini bartaraf qilish, belgilangan tartib asosida yordam qo‘lini uzatish har bir IIO xodimining vazifasidir.

Zeroki, Vatanga va xalqqa sadoqat bilan xizmat qilish - oliy burchimiz!