2022-yil 8-fevral kuni Qashqadaryo viloyati, Qarshi tumanida YPX xodimi R.Boymurodov tomonidan "Cobalt" rusumli avtomobil to‘xtatilib tekshirilganda, haydovchi Z.H. spirtli ichimlik iste’mol qilganlikda gumonlangan. YPX xodimi haydovchiga mastlik holati bo‘yicha tekshiruvdan o‘tishni taklif qilgan vaqtda haydovchi tekshiruvdan o‘tishdan bosh tortgan va unga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 136-moddasi tartibida bayonnoma tuzilgan va avtomobil vaqtincha saqlash uchun jarima maydoniga qo‘yilgan. Avtomobilda bo‘lgan yo‘lovchi S.H. turli xatti-harakatlari bilan xodimda shubha uyg‘otgan. Jarima maydonida xolis va guvohlar ishtirokidagi tekshiruv davomida yo‘lovchi S.H. ga tegishli bo‘lgan o‘tkir hidli, jigar rangli, saqichsimon hamda yashil rangli o‘simlik moddalari topilgan.

Holat bo‘yicha tegishli hujjatlar rasmiylashtirilib, topilgan moddalar tuman IIBga topshirilgan.