2022-yil 2-fevral kuni soat 21:40 larda, Bektemir tumanida joylashgan “Sharq” YPX maskanida xizmat olib borayotgan YPX xodimi M.Sharipov tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganida, haydovchi, 1994-yilda tugʻilgan U.A.ning choʻntagidan 1 dona pichoq hamda avtomobil salonidan 1 dona elektroshoker moslamasi topilgan.

Mazkur holat yuzasidan tegishli hujjatlar rasmiylashtirilib, fuqaro U.A. va aniqlangan vositalar Bektemir tumani IIO FMBga topshirilgan.